እኛን የሚመስል ቤት መፍጠር ለእኛ ለኢትዮጵያውያን ቅንጦት ነው?

ኢትዮጵያ ውስጥ እንደሚኖር፣ ደግሞም በሪልስቴት ዘርፍ ውስጥ ዓመታትን እንዳሳለፈ ሰው ሁሌም የሚገርመኝ አንድ ነገር አለ — ከቦታና ከቀለም ለውጥ ውጭ አብዛኞቻችን የምንኖርበት ቤት ተመሳሳይ መሆኑ።

ከልጅነታችን ጀምሮ የምናውቀው ተመሳሳይነት

ወደ ልጅነታችን ብንመለስ እንኳን የምንመገብባቸው ዕቃዎች፣ ሶፋው፣ ቲቪው — የቲቪው ዳንቴል ሳይቀር — ከቤት ቤት አንድ አይነት ነበሩ።

ዛሬም ቢሆን የባለቤቱን ታሪክ፣ ፍላጎትና ስሜት የሚያንጸባርቅ ቤት የምናገኘው ልክ እንደ መስከረም ወፍ ከስንት አንዴ ነው። ብዙ ጊዜ ይህን ልምድ የምናየው ሰዓሊዎችና የፈጠራ ሰዎች ጋር ብቻ ነው።

የገንዘብ ሳይሆን የውሳኔ ጉዳይ

ይህ ሀሳብ አብዛኛው ሰው እንደሚገምተው የገንዘብ ሳይሆን የውሳኔና የአስተሳሰብ ጉዳይ ነው።

• ውድ ዕቃ መደርደር ግድ አይደለም።
• ሰፊ ካሬ ውስጥ መኖርም ግድ አይደለም።
• ባለን ቦታና አቅም ውስጥ የራሳችንን የሕይወት ዘይቤ የሚያንፀባርቅ space መፍጠር እንችላለን።

እንዴት? በቀጣይ ጽሑፍ በዝርዝር እናየዋለን።

እስከዛው ግን — እናንተስ ምን ታስባላችሁ?

የራሳችንን ማንነት የሚያንጸባርቅ ቤት አለመሥራታችን የገንዘብ እጥረት ነው ወይስ የአስተሳሰብ?