አንድ ህግ የቱርክን የሪልስቴት ዘርፍ እንዴት ሙሉ በሙሉ እንደቀየረው

ርክክብ ሲዘገይ የገዢውን ኪራይ የሚከፍለው አልሚው ነው — ይህ ህግ እኛ ሀገር ቢተገበር ምን የሚፈጠር ይመስላችኋል?

ዛሬ ወደ ቱርክ ይዤያችሁ ልበር ነው! ቱርክ የቦስፈረስ ድልድይዋና ታዋቂ የቱሪስት መስህቦቿ ብቻ አይደሉም የሚያስደንቁት — በሪልስቴት ዘርፍ ያላት አቋምም እንዲሁ የሚገርም ነው።

ህጉ ምን ይላል?

በቱርክ አገር አንድ የሪልስቴት አልሚ በገባው ውል መሰረት ቤቱን ገንብቶ በጊዜ ካላስረከበ፣ ለዘገየበት ለእያንዳንዱ ወር የገዢውን የቤት ኪራይ በቅጣት መልክ ይከፍላል።

ይህ ህግ መውጣቱ በቱርክ የሪልስቴት ኢንዱስትሪ ላይ ያስከተለው ለውጥ ቀላል እንዳይመስላችሁ።

የሀገር ውስጥም ሆነ የውጭ ሀገር ገዢዎች በቅድመ-ግንባታ (Off-plan) ደረጃ ያሉ ቤቶችን ያለ ምንም ሥጋት እንዲገዙ አስቻለ።

በበቂ ካፒታልና እቅድ የማይሠሩ አልሚዎችን ከገበያው አስወጥቶ፣ ጠንካራና ታማኝ ገንቢዎች ብቻ እንዲቀሩ መንገዱን ጠረገ።

ከሁሉም በላይ ደግሞ ኢንሹራንስ ኩባንያዎች አልሚዎች ቢከሰሩ እንኳን ቤቱን ጨርሰው የሚያስረክቡበትን ዋስትና (Building Completion Insurance) እንዲሰጡ በማስገደድ፣ ገዢዎችን ከከፍተኛ ውጥረትና ኪሳራ ታደገ።

በአጠቃላይ ይህ አሰራር በገዢዎችና በአልሚዎች መካከል ጠንካራ አመኔታን በመገንባት የሀገሪቱን የሪልስቴት ዘርፍ ሙሉ በሙሉ ቀይሮታል።

ይህ ህግ እኛ ሀገር ቢተገበር ምን የሚፈጠር ይመስላችኋል? አልሚዎች ሀላፊነታቸውን በአግባቡ መወጣት ይጀምራሉ ወይስ ገበያው ላይ ሌላ ቀውስ ይፈጠራል?

ጥያቄ አለዎት? የመጀመሪያው ንግግር ነፃ ነው — ሠላሳ ደቂቃ፣ በሚመችዎ ቋንቋ።